4

ന്യൂ​യോ​ർ​ക്ക്/​മും​ബൈ: അ​ന്താ​രാ​ഷ്‌ട്രത​ല​ത്തി​ൽ വ​ൻ വി​വാ​ദ​ങ്ങ​ൾ സൃ​ഷ്ടി​ച്ച അ​മേ​രി​ക്ക​ൻ ലൈംഗിക ഇടപാടുകാരൻ ജെ​ഫ്രി എ​പ്സ്റ്റീനുമായി വ്യ​വ​സാ​യി അ​നി​ൽ അം​ബാ​നി​ക്ക് അടുത്ത ബന്ധം ഉ​ണ്ടാ​യി​രു​ന്ന​താ​യി വെ​ളി​പ്പെ​ടു​ത്ത​ൽ. യു​എ​സ് നീ​തി​ന്യാ​യ വ​കു​പ്പ് പു​റ​ത്തു​വി​ട്ട രേ​ഖ​കൾ ഉ​ദ്ധ​രി​ച്ച് അന്താരാഷ്‌ട്ര മാധ്യമങ്ങളാണു ഞെ​ട്ടി​ക്കു​ന്ന വി​വ​ര​ങ്ങ​ൾ റി​പ്പോ​ർ​ട്ട് ചെ​യ്ത​ത്. 2017 മു​ത​ൽ 2019 വ​രെ​യു​ള്ള കാ​ല​യ​ള​വി​ൽ ഇ​രു​വ​രും ത​മ്മി​ൽ ന​ട​ത്തി​യ സ​ന്ദേ​ശ​ങ്ങ​ൾ ഇ​വ​രു​ടെ സൗ​ഹൃ​ദ​ത്തി​ന്‍റെ ​ആഴം വെ​ളി​പ്പെ​ടു​ത്തു​ന്ന​താ​ണ്.

സ്ത്രീ​ക​ളെ ആ​വ​ശ്യ​പ്പെ​ട്ട് അ​നി​ൽ അം​ബാ​നി

ഇ​രു​വ​രും ത​മ്മി​ലു​ള്ള സംഭാഷണങ്ങളിൽ ബി​സി​ന​സ് കാ​ര്യ​ങ്ങ​ൾ​ക്കൊ​പ്പം സ്ത്രീ​ക​ളെ​ക്കു​റി​ച്ചു​ള്ള പ​രാ​മ​ർ​ശ​ങ്ങ​ളും ക​ട​ന്നു​വ​രു​ന്നു​ണ്ട്. 2017 മാ​ർ​ച്ചി​ൽ ന​ട​ന്ന ഒ​രു സം​ഭാ​ഷ​ണ​ത്തി​ൽ, ഒ​രാ​ളെ നി​ർദേശി​ക്കാ​ൻ അം​ബാ​നി ആ​വ​ശ്യ​പ്പെ​ട്ട​പ്പോ​ൾ, സ​ന്ദ​ർ​ശ​നം ര​സ​ക​ര​മാ​ക്കാ​ൻ ഉ​യ​ര​മു​ള്ള, സ്വർണത്തലമുടിയുള്ള ഒ​രു സ്വീ​ഡി​ഷ് സു​ന്ദ​രിയെ എ​പ്സ്റ്റീ​ൻ നി​ർദേ​ശി​ച്ചു. ഇ​തി​ന് അ​ത് ഏ​ർ​പ്പാ​ട് ചെ​യ്യൂ- എ​ന്ന് അം​ബാ​നി മ​റു​പ​ടി ന​ൽ​കി​യ​താ​യും റി​പ്പോ​ർ​ട്ടി​ലു​ണ്ട്.

ഹോ​ളി​വു​ഡ് ബ​ന്ധ​ങ്ങ​ളെ​ക്കു​റി​ച്ചും ഇ​വ​ർ ച​ർ​ച്ച ചെ​യ്തി​ട്ടു​ണ്ട്. അം​ബാ​നി​യു​ടെ സി​നി​മാ താ​ത്പ​ര്യ​ങ്ങ​ളെ​ക്കു​റി​ച്ച് ചോ​ദി​ച്ച എ​പ്സ്റ്റീ​ൻ, മെ​റി​ൽ സ്ട്രീ​പ്പി​നെ പോ​ലെ ഉ​ള്ള​വ​ര​ല്ല​ല്ലോ നി​ങ്ങ​ളു​ടെ ഇ​ഷ്ടം?- എന്നു ചോദിക്കുന്നുണ്ട്.

മറുപടിയായി സ്കാ​ർ​ല​റ്റ് ജോ​ഹാ​ൻ​സനെ പോ​ലെയുള്ള യു​വ​ന​ടി​മാ​രെ​യാ​ണ് താ​ൻ ഇ​ഷ്ട​പ്പെ​ടു​ന്ന​തെ​ന്നും അം​ബാ​നി മറുപടി പറയുന്നുണ്ട്. അം​ബാ​നി​യു​ടെ റി​ല​യ​ൻ​സ് എന്‍റ​ർ​ടൈ​ൻ​മെന്‍റ്സ് സഹനിർമാണം നിർവഹിച്ച -ഗോ​സ്റ്റ് ഇ​ൻ ദി ​ഷെ​ൽ- എ​ന്ന ചി​ത്ര​ത്തി​ലെ നാ​യി​ക​യാ​യി​രു​ന്നു ജോ​ഹാ​ൻ​സ​ൺ. 2017-ൽ ആണ് ചിത്രം റിലീസ് ചെയ്തത്.

അം​ബാ​നി കു​ടും​ബ​ത്തെ പ​ഠി​ക്കാ​ൻ ശ്ര​മം

അ​നി​ൽ അം​ബാ​നി​യെ​യും കു​ടും​ബ​ത്തെ​യും കു​റി​ച്ച് കൂടുതൽ മ​നസി​ലാ​ക്കാ​ൻ എ​പ്സ്റ്റീ​ൻ ശ്ര​മി​ച്ചി​രു​ന്നുവെന്നതിനും തെളിവുണ്ട്. അം​ബാ​നി ആ​ൻ​ഡ് സ​ൺ​സ്, സ്റ്റോം​സ് ഇ​ൻ ദി ​സീ വി​ൻ​ഡ് തു​ട​ങ്ങി​യ പു​സ്ത​ക​ങ്ങ​ൾ എ​പ്സ്റ്റീ​ൻ വ​രു​ത്തി​ച്ചു വാ​യി​ച്ചി​രു​ന്നു. സ​ഹോ​ദ​ര​ൻ മു​കേ​ഷ് അം​ബാ​നി​യു​മാ​യു​ള്ള അ​ക​ൽ​ച്ച​യെ​ക്കു​റി​ച്ചം ബി​സി​ന​സ് പ​ശ്ചാ​ത്ത​ല​ത്തെ​ക്കു​റി​ച്ചും ഇ​യാ​ൾ അ​ന്വേ​ഷി​ച്ചി​രു​ന്ന​താ​യും രേ​ഖ​ക​ൾ വ്യക്തമാക്കുന്നു.

നിഗൂ​ഢ​ കൂ​ടി​ക്കാ​ഴ്ച​ക​ൾ

പാ​രീ​സി​ലും ന്യൂ​യോ​ർ​ക്കി​ലും ഇ​രു​വ​രും നേ​രി​ട്ടു കാ​ണാ​ൻ പ​ദ്ധ​തി​യി​ട്ടി​രു​ന്നു. 2019ൽ ​അ​നി​ൽ അം​ബാ​നി ന്യൂ​യോ​ർ​ക്ക് സ​ന്ദ​ർ​ശി​ച്ച​പ്പോ​ൾ ത​ന്‍റെ മാ​ൻ​ഹ​ട്ട​നി​ലെ വ​സ​തി​യി​ലേ​ക്ക് എ​പ്സ്റ്റീ​ൻ ക്ഷ​ണി​ച്ചി​രു​ന്നു. ആ​രെ​യെ​ങ്കി​ലും ര​ഹ​സ്യ​മാ​യി കാ​ണ​ണ​മെ​ന്നു​ണ്ടെ​ങ്കി​ൽ അ​റി​യി​ക്കു​ക... എ​ന്ന വാ​ഗ്ദാ​ന​വും എ​പ്സ്റ്റീ​ൻ ന​ൽ​കി​യി​രു​ന്നതായും രേഖകൾ പറയുന്നു.

ഇന്ത്യൻ-അമേരിക്കൻ എഴുത്തുകാരനും മോട്ടിവേഷണൽ സ്പീക്കറുമായ ദീ​പ​ക് ചോ​പ്ര ഉ​ൾ​പ്പെ​ടെ​യു​ള്ള പ്ര​മു​ഖ​ർ അ​നി​ൽ അം​ബാ​നി​യെ​ക്കു​റി​ച്ച് എ​പ്സ്റ്റീ​ന് വി​വ​ര​ങ്ങ​ൾ കൈ​മാ​റി​യി​രു​ന്ന​താ​യും റി​പ്പോ​ർ​ട്ടി​ൽ വെളിപ്പെടുത്തുന്നു. വ​ള​രെ സ​മ്പ​ന്ന​ൻ, പ്ര​ശ​സ്തി ആ​ഗ്ര​ഹി​ക്കു​ന്ന​യാ​ൾ, സെ​ലി​ബ്രി​റ്റി​ക​ളോ​ട് താ​ത്​പര്യ​മു​ള്ള​യാ​ൾ... തുടങ്ങിയ കാര്യങ്ങളാണ് ​ചോ​പ്ര അ​നി​ൽ അം​ബാ​നി​യെക്കുറിച്ചു പറഞ്ഞത്.

നി​ല​വി​ൽ ഇ​ന്ത്യ​യി​ൽ ബാ​ങ്ക് വാ​യ്പാ ത​ട്ടി​പ്പ് ഉ​ൾ​പ്പെ​ടെ​യു​ള്ള കേ​സു​ക​ൾ നേ​രിടു​ന്ന അ​നി​ൽ അം​ബാ​നി​യെ സം​ബ​ന്ധി​ച്ചി​ട​ത്തോ​ളം, ലൈം​ഗി​ക ഇടപാടുകാരൻ എപ്സ്റ്റീനുമായി ഉണ്ടായിരുന്ന ​ബ​ന്ധം വ​ലി​യ തി​രി​ച്ച​ടി​യായിരിക്കുകയാണ്.